Ka Chim Ngam Lomi Biathli

Thih ttian a fak an ti
Nun nain tthen a faak khun
Duhnak mitcaw an ti
ka pah chih ngam hlei lo

Biaralkah pi khin
Duhnak Biazai ral ah
dawtnak mitthli a luang

Kan ton a tlai
A dai thiam ttung lo ka lungtur
Ka ttahnak mitthli
Na lamtluan ter tu hei sisehlaw
Ka chim duhmi kan dawtnak
theithiam duh hlah

Na lam aa dang
ttap ti hlah law i lungsak ko
Hnemh awk na ttha ti lo
Lungthli kan dawtnak ti dah lo

Hi bel I cinken
Na liam hnu na ruah dingah
ka phanmi Biazai
ka ruahmi vialte naa lomhnak caah
Na duhnak vialte tlinter ka duh

Cucu kei i,

Tap Rih Ko Ning

Cung vanva nih thei ve hna bang
I lawm ve hna mu Bawikhrih chuah ni thengah
Kupthi valhawi hna nih
Cingla rualchan hlam ai cang hna mu
Changcuar an ti, chungtling tein
I hrawm len hna lai mu..

Kei bel santlai lo, Hringtu ka pa ngai in
Tap chialmal hoi lai, Cilio va bang
Dawtu ka pa, ka far le hna le ka nau le hna nih
ka thut tawnnak Mawra zoh ah
hlam ttheu lai, an dawt tluangdang um keimah ve zong
Chrismas zingthawh, chungkhar pumhah
Dawtu ka pa, tap tthan lai mu Zingnu sinah....

Aw!! zeihen kan ruah Mengthong kul hlatin
Ngunsawm phaisa ka ti, ka pa ttap nak
Ton lo ka tong, ka far le mithli phurtu
An theithiam lo tlangza dangin
Ka tahnak mithli, zuun ngaihnak hna tal hi
Bawhte Jesuh, na hna I chit law
Chansaunak siseh ka pa caah
Lomhnak petu ka far le caah
Si hram hna seh ka ti zongah
Zaanmang si lo, tap hoi ai ko ning

@Zuunthing sinah

 Lung nih tuar in, kaa in chuak lo

caan khat lio ah ka thim senhripar

Caan sin ah liamdiam maw ka ti

Runglang tthan mu ka len tlangah..


Ka khen cang ka ti

Mah duh a si lo, dawtnak bia zong

hei chim ko ning zuuntuarnak kong

kawp ka nei cang, a ti ttung hnga......

Damhkhawh lomi zawtnak pathum ( capo )

Nai ah zawtnakthar/damhkhawh lomi zawtnak an hmuh tthan...Cun hna cu a tanglei pawl hi an si.
       ( 1 ) Facebook nih a chuah pimi  zawtnak
       ( 2 ) Gmail le Yaoo in a chuakmi zawtnak
       ( 3 ) Polictic ( niang ngan zi ) nih a chuahpimi zawtnak
hna an si.

1. Face book zawtnak hi hlan deuh ahcun mino hna sin deuhin hmuh a si nain a tu ahcun tartlu lo patung nutung hlu loin a chawnh dih hna. Hi zawtnak hna i an min hna a si lo le a rian ttuan ning cu hi ti hin a si tthan.

 (a) Nikhat ah Facebook chungah hmanthlak pakhat tal rawn lo in umkhawh lo nak
 (b) lengchuah hngal lo in inn lawngah online tthut duhnak lungthin chuah ter nak
 (c) Minung pakhat-hnih nih like or comment pek ruangah mah le mah aa dawhtuk in
      i hmuh i uahnak lungthin a ngeihter.
 (d) Nungak tuan nak( kumthling lo in nungak thiam)nak a chuahter
 (e) Facebook on duh ruangah income ttha tthi ngeih ttung lo in Iphone tibantuk a man
      fakmi cawk duhnak a chuahter.
 (f) Buaktlak in chim cun thathut zawtnak, pumhkal duh lo nak ti bantuk hna hi a tlangpi in a chuahpimi zawtnak ttha lo hna an si. Hi pin ah chim awk a tlakmi tthatlonak tamtuk a chuahter...

     Hi tin a si ko nain Facebook hmanruangah Laimi, Laicathiam ti lomi nih Laica ttialduhnak/ thiamnak a chuahter ve..Hi te hi thil tha a chuahpimi a si.

2. Google groups le Yahoo groups ruangah a daw lengmangmi unau bauinak a chuahter,Nupi le zawnruat lo in Pilitician pawl ca ttialmi lawng relduhnak a chuahter i in chungkhar a puai ter,,Facebook/ Google plus te pawlnak cun tawmte aa ning,

3. Kan ramah mifim antam i a ttha deuh cang lai tiah a zeileikap hmanhin ruah lio ah politic thli nih kan Lai mifim vialte cu a chem hna i Politician ah an i ceng dih. Pastor nih a rian a philh i Politiic lei rian ttuan zong nih Pastor zeirel lonak a chuahter.
Biaknak ah Politic a luttuk deuh i Lai mino guitor tum lawng a thaimmi zong an i politician dih cikceh!!

Note; Hahaha Capo a si. Ttawnchom a si caah na niih lo cun na thin a hung ttheu lai. Cu cu theihcia a si. Tuah awk theih lo ah cun umhar pheng cattial cawnnak a si tiah ka vun pawt tthan hehehhehhee...
Mangttha phawt uh!

Rialti

Lungleng ka ti..

kha lio caan ah, tuanrel har kun
zungthing ruah ahka ttap zungzal
Biazai hmangin

Hmanhseh!!

Ka van a tha, nang kan ton cu
lungdi a riam
rialti dai bang

Ka Nu Kan Ngai

Ka ţap tluangtluan, Lungrawn ngaih in

 ţuan rel zaangzuun, merem thiam lo

 remh hlei run-inn, tapchak pawng i

 na uam sohthu sanghra thur le 

na cuar fangvoi, sapherh rawh cu

 hlam cio hna lai tluangdang in ee..

. Khupţhi len hawi, zatlang nun le

 aa dawh khaung cawi, zaangzuam Lai peih

 kaam lo Laipa, sumkhal khawh le

 zuah hlei sam sauh lengnu sin in 

 an tah thiam thil Lai chuak hna cu

 lungkil an tum keimah ve bang.... 

Na phan Biazai, semawng oih thawng

 "i i law law, mang mang law law"

 hnathlam a leng, ritdonh thawng le

 ti ngahringdawi, khupţhi hna he

 tipi ţio kap, lahva kuang hrawn

 ceih cio hna ee, lungthli te cun 

Hmanhseh ka nu tluangzaa kan dang 

 an chim USdawhhlei ramsang

 an neih zong zaa diriam thiam lo

 duh hlei ka cuai, ka nu kut chuak

 tlangsaang dingdi,vaphun thlin nak 

ka ngai zungzal fakivai onh thawng

Living together

Thih ţian a fak an ti
nun nain tthen cu
an celh cio lo a mikip nih

Kei bel si lo
thih ţian nak faak,
nun nain colo nak cun

Tthen tu um lo
Tthit- umh hlan, khuasak tti hi!!!!

Kei le Ka Tlahttem

Kaa in chuak lo, kei kan dawt nak
lungthli kan tum , kan chim ngam lo
tuar in ka ttap , nang ngaih zawn ah

Apa lo na ti, si nai sai hlah
kaa khat chim hnu, pasal tlah ttem
ka phoih lai lo, na ton val bang

Caan ttha na ka pek, ka theihthiam ko
ka nun kaa sum, zeizong tuak in
a thuk ka ti, na thei thiam lo

Hmanhseh dawtmi, caan ttha voikhat
ka pe tthan rih, hman thiam ka duh
ka phuan ve hnga, lungum dawtnak
zungzal caa in, kan dawt ding kong
a cat lai lo, pasal tlah ttem
na theih thiam nga, khi tik ahcun

Ka Bang

Ka nun a ro Leikang bang
zaantin kan hlam ruah ti bang
ka nun a maw mimmei bang
kan hngah zungzal a ri lai bang

kan ruat caankip, zei thei lo bang
kan hlam camcin a kir lai bang
ka khirh tluangtlaun, a ttap lai bang
zuun tthing ka hlam, zelh awk ttha bang

ka nolh ttheu rih rel piak lai bang
lungum ka phuan theih paik lai bang
theihpaik thiam lo, a hngal lo bang
ka ttap zungzal Buangro va bang


bang bang bang bang, leikang ka bang
ruahti ka hlam leikang kang bang
hehehehe a ni lai bang
lungleng zungzal a tak si bang

???

Hawi hlun ka hlam
hawi thar kawl in
ka hmuh ka ti
hawi hlun an lo
ka kawl an lo
caan rau lo in
zei hen an ruah
a sual an kawl?


Ka it kaa hlau
mang bang an tlau
Ka ni ka tap
zuu bang ka ri
theih thiam a har
zei ruang ah hme?

kuak bang ka hlam
lungrawh kip ah
nuamhnak um lo
zawtnak a chuak
zei ruang ka ti?